Тәуелсіздік күніне орай бірқатар іс-шара ұйымдастырылады

Тәуелсіздік күніне орай өтетін мерекелік іс-шаралар жарияланды, – деп хабарлайды Taspanews.kz ҚР МАМ сілтеме жасап.

Мереке қарсаңында түрлі театр премьералары, концерттер, көрмелер жоспарланды. Одан бөлек, ғылыми семинарлар мен дөңгелек үстелдер өтеді.

"6 желтоқсанда «Тұмар-Арт» суретші-педагогтар қауымдастығы мен олардың дарынды шәкірттері бірлесіп ұйымдастырғалы отырған «Атамекен» көрмесінің, сондай-ақ 11 желтоқсанда музейде «Тәуелсіздік – ел ұраны» атты мәдени-танымдық іс-шарасы және «Тәуелсіздік бастауы – желтоқсан» көрмесінің ашылуы өтеді",  –ҚР Мәдениет және ақпарат министрлігі.

7-8 желтоқсанда Республикалық ақындар жарысы өтеді. "Төрлет, еңбек адамы" атты бұл жарысқа 14 ақын қатысады.

"10 желтоқсан күні Құдыс Қожамияров атындағы республикалық мемлекеттік академиялық ұйғыр музыкалық комедия театрында «Қозы мен Баян» премьерасы өтеді. Ғабит Мүсіреповтің бұл туындысы театрдың 90 жылдығына орайластырылған",

–ҚР Мәдениет және ақпарат министрлігі.

Аталған іс-шаралардан бөлек тарихи-танымдық көрмелер, мәдени бағдарламалар жоспарланды.