Түркістан облысының тұрғындары коммуналдық қызметке 38 миллион теңге артық төлеген

Түркістан облысында коммуналдық қызмет тарифтерінің заңсыз көтерілгені анықталды, – деп хабарлайды Taspanews бөлім департаментінің баспасөз қызметіне сілтеме жасап

Сарыағаш аудандық прокуратурасы коммуналдық қызмет көрсететін жергілікті «Сарыағаш тұрмыс» кәсіпорнының жұмысына зерттеу жүргізді.

Анықталғандай, уәкілетті органның ескірген бұйрығын басшылыққа ала отырып, кәсіпорын 2022-2023 жылдар аралығында 51 кәсіпкерлік субъектісінен ағынды суларды жинау қызметтері үшін төлемақы өндіріп, нәтижесінде 38 миллион теңгеден астам артық төлем жасалған.

Жүргізілген талдау кәсіпорынның бұрын енгізілген уақытша өтемдік тарифті елемей, ауыз су құнын жасанды түрде арттырғаны анықталды, соның салдарынан соңғы екі жылда 14 елді мекендегі 24 025 абоненттен Т8 708 289 артық төлем жасалды. Осылайша, 24 076 тұтынушының құқық нормасы бұзылған.

Аудан прокуратурасымен аудан әкіміне және Түркістан облысы бойынша табиғи монополияларды реттеу департаментіне қадағалау актілері жолданып, нәтижесінде кәсіпорын ҚР ӘҚБтК-нің 164-бабының 4-бөлігімен 4,7 илн теңге айыппұлмен әкімшілік жауапкершілікке тартылды. 

Сондай-ақ, екі лауазымды тұлға тәртіптік жауапкершілікке тартылды. Тұтынушыларға келтірілген залал уақытша өтемдік тарифті енгізу арқылы өтелетіні хабарланды.