Тұрғын үйге кезекте тұрған әскери қызметкердің құқығы қорғалды

Әскери қызметші мен оның отбасы тұрғын үй алу кезегінен шығарылғаннан кейін, мемлекеттік органның бұл шешіміне шағым түсірді, – деп хабарлайды Taspanews.kz Бас прокуратураға сілтеме жасап.

Жергілікті соттар оның талабын қанағаттандырудан бас тартты, алайда Жоғарғы Сот бұл шешіммен келіспей, оның тұрғын үйге мұқтаж мәртебесін растады.Деп хабарлайды taspanews.kzӘскери қызметші жалға алған тұрғын үйдің оның меншігіне жатпайтынын алға тартып, тұрғын үй алу құқығын қалпына келтіруді талап етті. Жергілікті соттар оның жалдау шартында сатып алу құқығы барын негізге алып, талапкердің тұрғын үйге мұқтаж мәртебесінен айырылғанын мәлімдеді.Алайда Жоғарғы Сот жалға алынған тұрғын үй толық сатып алынғанға дейін әскери қызметшінің тұрғын үйге мұқтаж мәртебесі сақталатынын атап өтті. Сот талапкердің жалға алынған үйдің меншік иесі еместігін анықтап, оның тұрғын үй алу құқығын қалпына келтіру туралы шешім шығарды.Жоғарғы Сот мемлекеттік органның тұрғын үй комиссиясының шешімін заңсыз деп танып, орын алған заңбұзушылықтарды жоюды міндеттеді. Сондай-ақ, әскери қызметшінің тұрғын үй төлемдерін алу құқығы қалпына келтіріліп, оның сот шығындары қорғаныс мемлекеттік органынан өндіріп алынды.