Түркістан мен Жамбыл облыстарында эсктремистер сотталды
Фото: Pexels
Түркістан мен Жамбыл облысында экстремистік және террористік бейнежазбаларды таратумен айналысқандар бойынша сот ісі қаралды, – деп хабарлайды Taspanews.kz Бас прокуратураға сілтеме жасап.
Түркістан облысы тұрғыны желтоқсан айында WhatsApp пен Facebook әлеуметтік желілері арқылы "Хизб-ут Тахрир" экстремистік ұйымының бейнежазбаларын таратқан.
Жамбыл облысы тұрғыны 2024 жылдың қазан айынан бастап Telegram платформасында арна ашып, онда заңсыз "Мұсылман бауырлар" мен "Өзбекстан-исламдық қозғалысы" халықаралық террористік ұйымдарының бейнежазбаларын орналастырғаны белгілі болды.
Күнә делелденді. Сот шешімімен, айыпталушылар 7 жылға бас бостандығынан айырылды. Жазасын қылмыстық-атқару жүйесінің қауіпсіздігі барынша жоғары мекемесінде өтейді.
