Түркістан облысында 6 миллион теңге көлемінде пара алған әйел ұсталды

Түркістан облысында өзін Ұлттық қауіпсіздік комитетінің қызметкерімін деп таныстырған әйел қамауға алынды, - деп хабарлайды Taspanews ҚР ҚМА ресми Telegram-арнасына сілтеме жасап.

Ол өзін Қазақстан Республикасы Ұлттық қауіпсіздік комитетінің қызметкерімін деп таныстырып, ақшалай сыйақы алу үшін тексеру жұмыстарын тоқтатуға уәде берді.

Әйел ТЖД мен ҰҚК тексерулерін тоқтатамыз деген желеумен пара беруге итермелеген.

Түркістан облысы прокуратурасы және облыстық Ұлттық қауіпсіздік департаментімен келісе отырып, АФМ жүргізген тұтқындау кезінде параның келісілген сомасы 12 миллион теңгені құрайтыны белгілі болды.

Әйел осы соманың жартысын алу кезінде ұсталды.

Аталған факті бойынша сотқа дейінгі тергеу басталды. ҚМА баспасөз қызметі Қазақстан Республикасы Қылмыстық-процестік кодексінің 201-бабына сәйкес өзге мәліметтер жария етуге жатпайтынын хабарлады.

Қазақстан Республикасы Конституциясының 77-бабының 3-тармағының 1-тармақшасына және Қазақстан Республикасы Қылмыстық-процестік кодексінің 19-бабының 1-бөлігіне сәйкес адам оның кінәсі сотпен анықталғанға дейін кінәсіз деп танылады.