Түркістан полицейлері 6 миллион теңгеге борышкерлерді анықтады
Фото: Flickr
Түркістан облысында полицейлер алты миллион теңгеге жуық ірі қарызы бар бірнеше автокөлік жүргізушілерін анықтады, – деп хабарлайды Taspanews.kz Polisia.kz сілтеме жасап.
Көлік құралдарын патрульдеу және тексеру барысында жедел басқару орталығының қызметкерлері ПД ЖПҚ патрульдік полициясымен бірлесіп, жолдарда борышкер-жүргізушілерге тиесілі автокөліктерді анықтады.
Патрульдік полицейлер "Қорғау" мамандандырылған бағдарламасын пайдаланып, Жетісай-Сарыағаш тас жолында ВАЗ-2107 маркалы автокөлікті тоқтатты. Жүргізуші кредиттер мен айыппұлдар бойынша төрт миллион теңгеден астам борышкер екендігі белгілі болды. Осыған ұқсас жағдай Opel Vectra автокөлігінің жүргізушісінде де анықталды, тексеру кезінде оның қарызы миллион теңгеден астам болды.
