ТЖД ескертеді: Алматы облысында аптап ыстық орнайды

Төтенше жағдайлар департаменті жақын арада Алматыда және оған жақын аудандарда ауа температурасы +35°C ге дейін қызатынын ескертті. Осы орайда тұрғындар назарына бірқатар ұсыныстар берілді, – деп хабарлайды kaz.taspanews ТЖД-ға сілтеме жасап.

 ТЖД мәліметтері бойынша, 26 маусымда Алматы облысының тау бөктері мен таулы аймақтарында қауіпті найзағай ойнайды, ал өңірдің басым бөлігінде ауа +35-37°C дейін қызады.

Алматы облысының ТЖД-і ауа райы жағдайын үнемі бақылап отыруды және ескертулерге жедел мән беруді талап етеді. Ауа-райының ауытқулары мен төтенше жағдайлар туралы жедел және тиімді ақпарат алу үшін "Дармен" мобильді қосымшасы қолжетімді.

ТЖД департаменті келесі қауіпсіздік шараларының маңыздылығын атап өтті. Бұл кеңестер күннің ыстығынан болатын жағымсыз әсерлердің қаупін едәуір төмендетуі мүмкін:

- Күннің сәулесі күндізгі 12:00-ден 16:00-ге дейін ең белсенді көрсеткіштерге ие. Бұл уақыт аралығында көлеңкеде жасырыңыз, жабық киім киіңіз және SPF (күннен қорғайтын крем) туралы ұмытпаңыз.

- Алкогольден бас тартыңыз, себебі ол сусыздануды тездетеді.

- Суық су мен минералды суды көбірек ішіңіз.

- Қызып кетуден және сусызданудан аулақ болу үшін жаттығуларды азайтыңыз.

- Көлік айдауды шектеңіз немесе мұқият болуға тырысыңыз – ыстықтан жолда реакцияңыз әлсіреуі мүмкін.

- Балаларды аз уақытқа болсын жабық көлікте қалдырмаңыз. Ол естен тануға әкелуі ықтимал.