Үкімет тарапынан шаруаларды қолдауға 116 млрд теңге бөлінді
Премьер-министр Олжас Бектенов отандық шаруаларды қолдауға арналған қаулыға қол қойды, – деп хабарлайды Taspanews.kz ресми хабарламаға сілтеме жасап.
Қаулыға сәйкес ауыл шаруашылығы тауар өндірушілерін қолжетімді несие арқылы қолдау және шаруалардың қаржылай жағдайын тұрақтандыру жүргізіледі. Осы орайда Үкімет резервінен 116 млрд 772 млн теңге бөлінеді.
Қаржыландырудың мақсаты – 2025 жылы көктемдегі егін жинау жұмыстарын сапалы жүргізуге ықпал ету, ауыл шаруашылығы техникасын сатып алу үшін АӨК субъектілерін қаржыландыруға бағыттау.
«Бұл әрі қарай елде өндірілген және құрастырылған ауыл шаруашылығы техникасын сатып алуды қаржыландыруға, кейін оны лизингке беруге, сондай-ақ «Даму» кәсіпкерлікті дамыту қоры» АҚ тарапынан несие шарттарын кепілдендіру кезінде комиссияны арзандату үшін «Аграрлық несие корпорациясы» АҚ мен «ҚазАгроҚаржы» АҚ облигациялары бойынша купондық сыйақыны субсидиялау арқылы жүзеге асырылады»,
Қол қойылған құжат 2025 жылдың 28 қаңтарында өткен Үкіметтің кеңейтілген отырысында Президенттің көктемгі егіс жинау жұмыстарына кемінде 700 млрд теңге көлемінде жеңілдетілген қаржыландыруды қамтамасыз ету бойынша берген тапсырмасын орындау аясында қабылданды.
