Ұмра мен хадж кезінде алаяқтыққа тап болмаудың жолдары ескертілді

ҚР Ішкі істер министрі Ұмра мен Хаджды жоспарлау кезеңінде алаяқтық жолмен қызмет ететін туристік фирмалардан сақ болу жолдарын атап көрсетті, – деп хабарлайды Taspanews.kz Polisia.kz сілтеме жасап.

Туристік фирма таңдау кезінде маңызды кеңестер келтірілді:

1. Дұрыс туристік фирмада мемлекеттік лицензия болады. Сонымен қатар, әр туристке туркод беріледі. Басқа адамдардың бұл фирма жайлы пікірін сұрастырған жөн;

2. Арзан бағаға қызықпаңыз. Баға нарыққа сәйкес келуі керек;

3. Келісімшарттар мен құжаттарды мұқият оқу қажет;

4. Туристік фирманың мекен-жайы, поштасы, байланыс нөмірі көрсетіліп тұруы керек;

5. Турдың бағдарламасын қарап шығыңыз.

Тур құнына не кіретінін біліп алып, одан артық шығын болмайтынына көз жеткізіңіз.