Үржар ауданында босанған әйел мен нәрестенің өліміне байланысты тергеу басталды
Фото: Pexels
Абай облысының полиция департаменті Үржар ауданында босанған әйел мен оның нәрестесінің қазасына байланысты сотқа дейінгі тергеу жүргізіп жатқанын хабарлады, – деп хабарлайды Taspanews.kz облыстық ПД сілтеме жасап.
Абай облысы ПД Тергеу басқармасының бастығы, полиция полковнигі Сұнғат Әділбековтың айтуынша, бұл іс медицина қызметкерлерінің кәсіптік міндеттерін тиісінше орындамау фактісі бойынша қаралуда. Қазіргі уақытта сотқа дейінгі тергеудің жан-жақтылығын қамтамасыз ету мақсатында қажетті тергеу әрекеттері жүргізілуде.
Сонымен қатар, оқиғаның себеп-салдарын анықтау үшін тиісті сот-медициналық сараптамалар тағайындалды. Сараптама нәтижелері бойынша заңға сәйкес процессуалдық шешім қабылданатын болады.
