Ұшақ ішінде жасөспірімге қатысты сұрпайы әрекеті бойынша ер адам күдікке ілінді

Ақтау-Алматы рейсі кезінде жолаушылардың бірі күдікке ілінді. Ер адамның ересектердің еріп жүруінсіз ұшып бара жатқан кәмелетке толмаған қызға қатысты сұрпайы әрекеті жолаушылар арасында сөз етілді, – деп хабарлайды Taspanews.kz Lada.kz сайтына сілтеме жасап.

Ұшақтағы жолаушы әлеуметтік желісінде оқиғаны өз көзімен көргенін айтты.

Оның айтуынша, қызды ересектерсіз, жалғыз болды.

«Ұшақ қозғалып, кабинада жарық сөнген кезде қыздың қасына ер адам отырды. Ол терезеден көріністі суретке түсіру үшін қызға телефонын ұсынды. Алайда қыз видеоны түсіре бастағанда, ер адам орынсыз әрекет жасап, бері жақындап, қыздың қолын алып, аты-жөні мен жасын сұрай бастады. Содан кейін ол оның әдемі екенін айтып, орынсыз жағымды сөздерін айта бастады. Қыз өзін ыңғайсыз сезініп, қорқып, ер адамнан әрекетін тоқтатуын өтінді»,  – деді куәгер.

Ұшақта шамдар қосылғанда, ер адам орнына оралған деседі. Алайда көп ұзамай әуе қызметкерлері қыздың жылай бастағанын байқады. Олар оған жақындап, оның мазасыздану себебін біліп, не болғанын естіген соң, қызды басқа әйел жолаушының қасына отырғызып, тыныштандырды. Ішімдік ішуді жалғастырған ер адам оның мінез-құлқы басқа жолаушыларға белгілі болғанын білмей ұйықтап қалған.

Алматыға келген соң қызды ата-анасы күтіп алды, ал ер адамды полиция ұстады.