Велоспорттан Азия чемпионаты Алматыда көлік қозғалысына өзгеріс әкеледі
Taspanews Алматы әкімдігінің баспасөз қызметіне сілтеме жасап, велоспорттан Азия чемпионатының өтуіне байланысты қалада уақытша кері қозғалыстың енгізілгенін хабарлайды.
Бұл шара 5-12 маусым аралығында өтеді.
«5-12 маусым аралығында Алматыда алғаш рет шосседегі велоспорттан Азия чемпионаты өтеді. Осыған байланысты жолдардың кейбір учаскелерінде қозғалыс уақытша өзгереді. Тұрғындарға ыңғайлы болу үшін бір жағынан көшелер жабылса, екінші жағынан екі жақты қозғалыс ұйымдастырылады»
Веложарыс «Алматы Арена» кешенінен басталып, спортшылар «Мәдениет» шағын ауданында бұрылып, жарысты старт алаңында аяқтайды.
6, 7 және 8 маусымда сағат 9:00-ден 17:00-ге дейін Б.Момышұлы көшесінің батыс жағындағы Алматы Аренадан солтүстік бағытта Саина көшесіне дейін көлік қозғалысы жабылып, шығыс жағында кері қозғалыс ұйымдастырылады. .
9, 10, 11 және 12 маусымда Б.Момышұлы көшесінің батыс жағындағы «Алматы Аренадан» «Алматы» индустриялық аймағына дейін көлік қозғалысы да жабылады, шығыс жағында да осындай кері қозғалыс болады.
Жолды жабу кестесі келесідей:
9 маусым – 9:00-ден 18:00-ге дейін;
10 маусым – 7:00-ден 11:00-ге дейін және 12:00-ден 16:30-ға дейін;
11 маусым – 7:00-ден 13:00-ге дейін;
12 маусым – 9:00-ден 14:30-ға дейін.
Қала тұрғындары мен қонақтарына маршруттарын алдын ала жоспарлау ұсынылады.
