«Жақыныңа жәрдемдес»: Алматыда қарттарға қамқорлық көрсетілді
Фото: Алматы әкімдігі
Алғыс айту күніне орай Алматыда «Жақыныңа жәрдемдес» акциясы өтті, – деп хабарлайды Taspanews.kz қала әкімдігіне сілтеме жасап.
Іс-шара аға буынға қамқорлық көрсетіп, әлеуметтік ауызбіршілікті нығайтуға бағытталған.
Еріктілер көрсеткен көмек
Еріктілер 102 жастағы ардагер Николай Таратуниннің үйін жинап, оның шекара әскерінде қызмет еткен еңбегі үшін алғыс білдірді.
90 жастағы Тамара Уфимцеваның ауласын қар мен мұздан тазалады. Көру қабілетінен айырылған Виктор Саковичке жиһаз орнатытылды, жөндеу жұмыстарына көмек берілді.
Қарттар көрсетілген қамқорлыққа ризашылық білдірді. Акция «Алматы – біздің ортақ үйіміз» және «Таза Қазақстан» бағдарламалары аясында өтуде.
