Жамбыл облысында мал ұрлағандар бас бостандығынан айырылды
2024 жылы сәуір айында Жамбыл облысы Байзақ ауданында 18 бас жылқы ұрланған, – деп хабарлайды Taspanews.kz ҚР Бас прокуратурасына сілтеме жасап.
Іс бойынша сотқа дейінгі тергеу басталып, іздеу жұмыстары жүрді. Дәлелдердің жоқтығынан күнәлілерді табу қиынға соқты. Алайда, 4 адам күдікті атанып, оның үшеуінің мал ұрлығына қатысы бар екені анықталды. Олар 2024 жылы маусым айында 3 сиыр ұрлаған.
Кейіннен мал соятын орындары табылып, ет заттай дәлелдеме ретінде алынды. Белгілі болғандай, қылмыстық топ түнгі уақытта жылқы мен сиырларды жеңіл көлікпен іздеуге шығып тұрған. Бірі малды айдап әкелсе, қалғандары сойған.
Сонымен қатар, аталған топ құны 2,2 миллион теңге болатын 5 ұялы байланыс мұнарасының 36 батареясын ұрлағаны анықталды.
13.02.2025 жылғы сот үкімімен 4 сотталушы 7 жылдан 9 жылға дейін бас бостандығынан айырылды.
