Жаңа жылдық мереке күндері интернет желісі дұрыс істемеуі мүмкін

«Қазақтелеком» компаниясы Жаңа жылдық мерекелер кезінде интернет жұмысында біршама тұрақсыздықтар болуы мүмкін екенін мәлімдеді, – деп хабарлайды Taspanews.kz.

Атап айтқанда, мереке күндері кей онлайн-ресурстарға кіру кезінде интернетке қосылу жылдамдығы аздап төмендеуі мүмкін.

«Компанияның мамандары барлық жабдықтарды мұқият тексерді, алайда ақау табылмады. Осылайша, тұрақсыздықтар оператор желісіндегі техникалық ақаулармен емес, басқа факторлармен байланысты болуы мүмкін», – делінген «Қазақтелеком» хабарламасында.

Осыған дейін Қазақстанның Цифрлық даму, инновациялар және аэроғарыш өнеркәсібі министрлігінің өкілдері интернет жұмысында айтарлықтай қиындық болмайтынын айтқан.