Жыл басынан бастап Қазақстанда жүзге жуық полиция қызметкері сыбайлас жемқорлықпен сотталды

Ағымдағы жылдың басынан қазақстандық соттар сыбайлас жемқорлыққа байланысты істер бойынша 95 полицейге айыптау үкімін шығарды, – деп хабарлайды Taspanews.kz DATA HUB Telegram арнаның мәліметтеріне сілтеме жасап. Бұл оқиғалардың 80%-дан астамы парақорлық пен алаяқтық әрекеттерге байланысты.

Барлық сотталғандардың 47-сі пара алғаны үшін, 27-сі алаяқтық жасағаны үшін кінәлі деп танылды. Полицейлердің әрекеттері пара беру (7 жағдай), парақорлыққа делдалдық (5), қызметтік өкілеттіктерді теріс пайдалану (4), қызметтегі әрекетсіздік (3) және лауазымдық өкілеттіктерді асыра пайдалану (2) ретінде жіктелді.

Ағымдағы жылдың қаңтар-шілде айлары аралығында Қазақстанда сыбайлас жемқорлыққа байланысты істер бойынша 557 адам сотталды, олардың арасында – полиция қызметкерлері. Оның ішінде 182 адам жаза ретінде бас бостандығынан айырылды, олардың жартысы 5 жылдан аспайтын мерзімге бас бостандығынан айырылды. Айыппұлдар 247 сотталушыға тағайындалды және олардың жалпы сомасы 3,4 миллиард теңгені құрады. Бір қызығы, сот 56 адамды немесе сотталғандардың жалпы санының 10 пайызын жазадан босатты.

Осы кезеңде сыбайлас жемқорлық бойынша ақтау үкімдері тек екі рет шығарылғаны және айыпталушылар полицейлер болғанын атап өткен жөн.