Із-түссіз жоғалған 16 жастағы Ақмола тұрғыны үйіне оралды
Фото: Lider.kz
Жақында полицейлерге Көкшетау қаласындағы колледждің директорынан қыздың жатақханадан шығып кетіп, қайтып оралмағаны туралы хабарлама келіп түсті, - деп хабарлайды Taspanews ҚР Ішкі істер министрлігінің порталына сілтеме жасап.
Оны табудың көптеген сәтсіз әрекеттерінен кейін қамқоршы көмек сұрап құқық қорғау органдарына жүгінді. Іздеу жұмыстарына криминалдық полиция қызметкерлері, кәмелетке толмағандар ісі жөніндегі инспекторлар мен еріктілер қосылды. Іздестіру шаралары жүргізілді, бірақ қыз жатақханаға өз бетімен оралды.
Алдын ала мәлімет бойынша, ол бұл уақытты Астанада өткізген.
Қазір полицейлер оқиғаның мән-жайын анықтап жатыр. Тәртіп сақшылары оған қатысты заңсыз әрекеттер жасалмағанын анықтады.
Бұл ретте кәмелетке толмаған баланы күтіп-бағу және тәрбиелеу жөніндегі міндеттерді тиісінше орындамағаны үшін қорғаншыға қатысты әкімшілік хаттама толтырылды.
