Ақтөбе облысындағы Ойыл өзенінің өткелі қалпына келтіріледі
Фото: ҚР Қорғаныс министрлігі
Қорғаныс министрлігінің әскери қызметшілері Ақтөбе облысына Ойыл өзені бойындағы ауылдар арасында уақытша өткел салу үшін жөнелді, – деп хабарлайды Taspanews.kz Қорғаныс министрлігі баспасөз хабарламасына сілтеме жасап.
Әскери инженерлер тұрғындар, материалдық құралдар мен жануарларды тасымалдау үшін арналған өткел жабдықтайды.
Бұрынырақ олар Ақтөбе, Ақмола және Солтүстік Қазақстан облысында 4 паром өткелін жабдықтаған. Осының арқасында 362 рейс жасалып, 3 мыңға жуық адам эвакуацияланды, 423 тонна гуманитарлық көмек көрсетілді.
