Алдағы күндерге арналған ауа райы болжамы: Қазақстанда аптап ыстық және жауын-шашынды күндер күтілуде
Қазақстанның батысында қатты аптап ыстық күтілуде, деп хабарлайды Taspanews.kz РМК «Қазгидромет» сайтына сілтеме жасап
Алдағы күндері Қазақстанның басым бөлігінде фронтальды учаскелердің өтуіне байланысты климаттық жағдай тұрақсыз болады. Жаңбыр түріндегі жауын-шашын күтіледі, найзағай ойнап, жел күшейеді. Республиканың солтүстік, шығыс және орталық облыстарында бұршақ жаууы мүмкін; 13-15 маусым аралығында Қазақстанның шығысы мен орталық бөлігінде, сондай-ақ 14 маусымда солтүстік пен оңтүстік-шығыста ең қарқынды жауын-шашын күтіледі.
Еліміздің батысында күндіз ауа температурасы +33+40°С-қа дейін көтеріледі. Солтүстікте және орталықта ауа температурасы +20+28-ден +25+30°С-қа дейін болады. Оңтүстік облыстарда термометрлер +27+35-тен +30+40 °C-қа дейін көрсетеді. Оңтүстік-шығыста ауа температурасы +22+30°С-тан +25+35°С-қа дейін ауытқиды, ал республиканың шығысында температура фонының +22+30°С-тан +20+28°С-қа дейін төмендеуі күтілуде.
