Алматыда кімдердің жалақысы көтеріледі?

Алматы әкімі Ерболат Досаевтің тапсырмасы бойынша кей сала қызметкерлерінің жалақысы көтеріледі, – деп хабарлайды Taspanews.kz қала әкімдігіне сілтеме жасап.

Атап айтқанда, білім беру саласының қызметкерлері, кітапханашылар, психологтар, логопедтер, әлеуметтік қызметкерлер және техникалық қызметкерлер жалақысы көтеріледі.

Жаңашылдық 20 314 адамға қатысты болады. Бұл туралы Мәслихаттың XXVIII сессиясында қала әкімі орынбасары Әсем Нүсіпова мәлімдеді.

Білім беру мен әлеуметтік сала қызметкерлерінің жалақысы 30%-ға артады.