Батыс Қазақстан облысында екі оқушыны көлік қағып кеткен
Батыс Қазақстан облысы, Пойма ауылында, жаяу жүргінші өтетін жолда автокөлік жүргізушісі екі оқушыны қаққан, – деп хабарлайды Taspanews.kz Astana.tv телеарнасына сілтеме жасап.
Мектеп маңында жүргізуші оқушы қызды қағып, тоқтай бергенде тағы соққан. Оқушы ауыр бас жарақатын алған, сүйегі қатты сынып кеткен. Бірден ауруханаға жатқызылды. Ота жасалады.
Екінші қызда да сүйектері сынған, жарақат алған. Алғашқы медициналық көмектен кейін оны үйіне жіберу туралы шешім қабылданды. Қылмыстық іс қозғалды. Көлік арнайы тұраққа жеткізілд
Жергілікті тұрғындардың айтуы бойынша, жолда бағдаршам, жылдамдық өлшейтін құрал мен камера жоқтығы осындай жағдайға әкелді.
Тұрғындар осыған дейін де мұнда бағдаршам, камера орнату және айналаны жарықтандыру туралы өтініш білдіргені белгілі болды. Алайда, бұл үшін арнайы қаражат бөлінбегені айтылған. «КазАвтоЖол» компаниясы егер болашақта қаражат үнемделіп, қалып жатса, мәселе қайта қаралатынын айтты.
