Наурызға орай Медеу мұз айдынында сырғанау маусымы 25 наурызға дейін жалғасады
Фото: Алматы әкімдігі
Наурыз мейрамына орай Алматыдағы "Медеу" таулы мұз айдынында сырғанау маусымы ұзартылды, – деп хабарлайды Taspanews.kz қала әкімдігіне сілтеме жасап.
Жыл сайынғы маусымның соңы – 15 наурыз болса, бұл жолы сырғанау мерзімі 10 күнге толықты. Қаладағы ауа температурасының күрт жылынуы сырғанауды тек кешкі уақытта мүмкін етеді.
Сырғанаушылар жұмыс күндері сағат 17:00-ден 20:00-ге дейінгі уақытта және демалыс, мереке күндері сағат 17:00-ден 20:00-ге дейін немесе 21:00-ден 24:00-ге дейін келіп, мұз айдынында уақыт өткізе алады.
